Fræðsla

Mikil áhersla erlögð á umhverfismál í víðum skilningi í Vinnuskólanum, enda er skólinn hluti af umhverfis- og skipulagssviði Reykjavíkurborgar.

Vinnuskólinn er þátttakandi í alþjóðlega verkefninu Skólar á grænni grein sem Landvernd heldur utan um hér á Íslandi. Verkefninu er ætlað að auka umhverfismennt og styrkja umhverfisstefnu í skólum. Grænir fræðsluleiðbeinendur starfa í hverju hverfi og fara á milli hópa og kynna nemendum umhverfsmál með fjölbreyttum hætti.

Vinnuskólinn hefur flaggað Grænfánanum frá 2008 en hann er viðurkenning fyrir góðan árangur í starfinu.

Vinnuskólinn er í samstarfi við Jafningjafræðsluna sem rekin er af Hinu húsinu í Reykjavík. Fræðarar Jafningjafræslunnar koma inn í alla 9. og 10. bekkjar hópa með fjölbreytta forvarnafræðslu.

Fræðslan snýr að margvíslegum málefnum í gegnum umræður og hópeflisleiki þar sem meðal annars er leitast við að efla sjálfsmynd unglinganna.

Sjávarútvegsskólinn er verkefni sem rekið er af Sjávarútvegsdeild Háskólans á Akureyri í samstarfi við vinnuskóla og sjávarútvegsfyrirtæki. Sumarið 2020 gekk Vinnuskóli Reykjavíkur til þess samstarfs og bauðst nemendum úr 10. bekk að sækja um þátttöku. Verkefnið mætlist vel fyrir og er stefnt að því að bjóða upp á það aftur 2021.

Sjávarútvegsskólinn á Facebook