Opnað hefur verið fyrir skráningar í Vinnuskóla Reykjavíkur fyrir sumarið 2018. Skráningarfrestur verður til 18. maí. Nýtt skráningarkerfi hefur verið tekið upp og þurfa foreldrar að skrá sig inn með rafrænum skilríkjum. Skráningarhnappurinn hér að ofan vísar á skráningarsíðuna.
Nokkrar breytingar verða á starfinu í nú í sumar. Helst ber að nefna að 8. bekkingum bjóðast nú störf að nýju eftir nokkurt hlé. Jafnframt mun hluta nemenda úr 10. bekk bjóðast önnur störf en við garðyrkju.
Starfstímabilin verða þrjú og hver nemandi fær úthlutað vinnu á einu þeirra. Hvert tímabil er 15 dagar og nemendur úr 8. bekk munu vinna í 3,5 tíma á dag en nemendur úr 9. og 10. bekk í 7 tíma. Skráningartími getur haft áhrif á niðurröðun á starfstímabil þannig að þeir sem eru fyrr skráðir verða í forgangi um val á tímabilum.
Laun hafa ekki verið ákvörðuð fyrir sumarið en upplýsingar verða birtar hér á síðunni þegar það gerist.
Verið er að vinna í því að uppfæra upplýsingar hér á síðunni en ef einhverjar spurningar vakna þá er hægt að senda póst á This e-mail address is being protected from spambots. You need JavaScript enabled to view it..
Fjölmörg sumarstörf í Vinnuskóla Reykjavíkur fyrir 20 ára og eldri eru nú auglýst á heimasíðu Reykjavíkurborgar. Umsóknartími er milli 8. febrúar og 19. mars. Starfsauglýsingarnar má sjá á eftirfarandi slóð: http://reykjavik.is/sumarstorf (hlekkurinn opnast í nýjum glugga). Störf í Vinnuskólanum eru skráð undir umhverfis- og skipulagssviði.
Störfin eru jafnframt auglýst á heimasíðu "Alfreðs" https://alfred.is/(hlekkurinn opnast í nýjum glugga) og í Alfreð appinu sem hægt er að sækja á sömu síðu.
Nú styttist í að Vinnuskólinn hefjist. Allir skráðir nemendur eru nú komnir í hópa og hægt er að sjá hvar nemendur eiga að mæta undir flipanum "Hvar á ég að mæta?".
Þau ánægjulegu tíðindi bárust í gær að borgarráð samþykkti 30% hækkun launa nemenda í Vinnuskóla Reykjavíkur. Vinnuskóli Reykjavíkur var nokkuð aftarlega í samanburði við mörg sveitarfélög en það breytist við þessa hækkun. Laun nemenda úr 9. bekk hækka úr 464 kr. í 603 kr. og laun nemenda úr 10. bekk hækka úr 617 kr. í 802 kr. Frábærar fréttir fyrir nemendur Vinnuskólans!
