Laun

  • 1. Tímakaup

    Laun fyrir sumarið 2018 hafa verið  ákvörðuð:

    LAUN 2018 8. bekkur 9. bekkur 10. bekkur
    Tímakaup: 560 kr. 630 kr. 838 kr.
    Tímafjöldi: 52,5 105 105
    Möguleg heildarlaun 29.400 kr. 66.150 kr. 87.990 kr.
    Með orlofi (10,17%): 32.390 kr. 72.877 kr. 96.939 kr.
    • Nemendur sem verða 16 ára á árinu greiða skatt ef ekki er valið að nýta persónuafslátt (sjá nánar hér á síðunni). 
    • Mánuði eftir að 16 ára aldri er náð greiða  nemendur í lífeyrissjóð. Brú er sá sjóður sem greitt er í (hlekkurinn opnast í nýjum glugga).

     

    4.5.2018

  • 2. Launatímabil

    Launatímabil nemenda eru eins og hjá öðru tímavinnufólki hjá Reykjavíkurborg, þ.e. frá 11. hvers mánaðar til 10. þess næsta.

    • 1. ágúst: Greiðsla fyrir 11. júní til 10. júlí.
    • 1. september: Greiðsla fyrir 11. júlí til 10. ágúst.
    • 1. október: Greiðsla fyrir 11. ágúst til 13. ágúst.
  • 3. Launaseðlar

    Launaseðlar berast í heimabanka 1. hvers mánaðar. Ef nemandi er ekki með heimabanka er því gott að stofna slíkan í viðkomandi banka. Seðlana er að finna undir "rafræn skjöl." 

    Reykjavíkurborg hefur ekki sent prentaða launaseðla um nokkurra ára skeið. 

  • 4. Orlof

    Orlofsfé er 10,17% og greiðist á alla tímavinnu. Það er lagt inn á orlofsreikning á nafni viðkomandi unglings í Arion-banka (hlekkurinn opnast í nýjum glugga).

  • 5. Persónuafsláttur

    Á því ári sem ungmenni verða 16 ára byrja þau að greiða skatt en eins og aðrir launþegar eiga þau rétt á persónuafslætti sem í dag er á rafrænu formi. Árið 2018 er persónuafslátturinn 53.895 kr. á mánuði. Sú upphæð nægir til að mæta þeim skatti sem ungmennin myndu annars greiða af sínum launum í Vinnuskólanum.

    Vinnuskóli Reykjavíkur mælir með því að allir 16 ára nemendur nýti sinn persónuafslátt á meðan að starfi þeirra stendur og að foreldrar haki í þar til gerðan reit við skráningu í skólann. Ef nemandi kýs hins vegar að nýta ekki sinn afslátt hjá Vinnuskólanum eða eingöngu hluta hans þá þarf að merkja við það. Ef nýta á hluta afsláttarins þarf að senda póst á This e-mail address is being protected from spambots. You need JavaScript enabled to view it. og gera grein fyrir því.

    Ef nemendur greiða skatt sem þeir ættu ekki að þurfa að greiða geta þeir sótt endurgreiðslu til Ríkisskattstjóra frá og með 1. október, sjá https://www.rsk.is/einstaklingar/stadgreidsla/endurgreidsla/.

     

  • 6. Veikindi og leyfi

    Nemendur vinna sér ekki inn veikindarétt. Veikindadagar eru því ekki greiddir og ekki er hægt að vinna þá upp síðar.

    Hægt er að fá leyfi frá störfum á starfstímabilinu, sjá nánar hér

    Veikindi og leyfi skulu tilkynnt af foreldri til viðkomandi leiðbeinanda. 

  • 7. Eru launin rétt?

    Foreldrar og nemendur bera ábyrgð á því að kanna tímanlega hvort laun hafa verið rétt skráð. Ef talið er að einhverja tíma skorti upp á þarf að hafa samband við This e-mail address is being protected from spambots. You need JavaScript enabled to view it. eins fljótt og auðið er. Líði langur tími frá útborgun getur verið erfitt að sannreyna að tíma vanti. 

    Leiðbeinendur biðja nemendur um að staðfesta þá tíma sem unnir hafa verið á launatímabilinu með undirritun á tímaskýrslu. Það er gott fyrir nemendur að fylgjast með sinni mætingu og skrá hana hjá sér reglulega.